കഥ പറയുമ്പോള്‍ എന്ന ചിത്രത്തില്‍ ബാര്‍ബര്‍ ബാലനെ വര്‍ണിച്ച് എഴുതിയ ഗാനം മലയാളികളുടെ ഇടയില്‍ ഏറെ ജനപ്രീതി നേടിയിരുന്നു. അത്തരത്തില്‍ തിരിച്ചറിയപ്പെടാതെ പോയ ഒരു ബാര്‍ബറാണ് ഇപ്പോള്‍ സാമൂഹ്യമാധ്യമങ്ങളിലെ താരം.
സ്വന്തമായി മുടി വെട്ടാന്‍ നോക്കിയിട്ടുള്ളവര്‍ക്കറിയാം അതിന്‍റെ ബുദ്ധിമുട്ട്. അല്‍പസ്വല്‍പം മിനുക്കു പണികള്‍ പലരും നടത്താറുണ്ടെങ്കിലും പ്രൊഫഷണല്‍ രീതിയില്‍ സ്വന്തം മുടി വെട്ടാന്‍ ശ്രമിച്ചാല്‍ മുട്ടന്‍ പണിയാകും കിട്ടുക. എന്നാല്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്ന ഈ മുടിവെട്ടുകാരന്‍ അതിവേഗതയില്‍ സ്വന്തം മുടി വെട്ടുന്നത് കണ്ട് അന്തം വിട്ടു നില്‍ക്കുകയാണ് എല്ലാവരും. വ്യത്യസ്‌തനാമൊരു ബാര്‍ബറാം ബാലനെ സത്യത്തിലാരും തിരിച്ചറിഞ്ഞില്ല എന്ന വരികള്‍ ഇയാള്‍ക്കാകും ഏറ്റവും അനുയോജ്യമെന്നാണ് വീഡിയോ കണ്ടവരുടെ അഭിപ്രായം.
തന്‍റെ മാമനില്‍ നിന്ന് പ്രേരണ ഉള്‍ക്കൊണ്ടാണ് സ്വന്തമായി മുടി വെട്ടല്‍ പരീക്ഷിച്ചതെന്ന് ബാര്‍ബര്‍ വീഡിയോയില്‍ പറയുന്നുണ്ട്. കൈവഴക്കം വരുന്നതിന് അല്‍പം ബുദ്ധിമുട്ടിയെന്നും പിന്നീട് എളുപ്പമായെന്നും ഇയാള്‍ പറയുന്നു. പതിനൊന്ന് വര്‍ഷമായി സ്വന്തമായുള്ള ഈ മുടി വെട്ട് പരീക്ഷണം തുടങ്ങിയിട്ടെന്നും ഇയാള്‍ വീഡിയോയില്‍ പറയുന്നുണ്ട്.
